Data Scale kompaniyasi Orionbankda Oracle FlexCube tizimini optimallashtirish loyihasini ishga tushirmoqda
27 июня 2025 г.
IT-konsalting va bank tizimlarini optimallashtirish sohasidagi yetakchi mutaxassis bo‘lgan Data Scale kompaniyasi Orionbankning avtomatlashtirilgan bank tizimini (ABT) Oracle FlexCube 12.2 platformasi asosida tezlashtirish va uning samaradorligini oshirishga qaratilgan keng ko‘lamli loyihani amalga oshirishga kirishdi.

Asosiy vazifa — bankning asosiy ish jarayonlarini, jumladan,

muhim ahamiyatga ega bo‘lgan operatsion kunni yopish (EOD) jarayonini sezilarli darajada tezlashtirish, shuningdek, tizimdagi xatoliklar va noo‘rin sozlamalarni bartaraf etishdir. Bunga quyidagilar orqali erishiladi:

• Oracle Exadata apparat majmuasi (samaradorlikni oshirish uchun chuqur tahlil).

• Oracle ma’lumotlar bazasi (СУБД) (muammoli so‘rovlarni tahlil qilish va tuzatish, indekslarni sozlash hamda xotira ishlashini optimallashtirish).

• Oracle WebLogic ilova serverlari (tranzaksiyalarni qayta ishlashdagi sekin ishlovchi joylarni aniqlash va bartaraf etish).

• Oracle FlexCube biznes-dasturi (tizimning standart funksiyalaridan maksimal darajada foydalanish orqali ortiqcha moslashtirishni kamaytirish).

Bu nega bank uchun muhim?

🔹 EOD vaqtini qisqartirish – operatsion kunning tezroq yakunlanishi, bu esa hisobotlar va regulyatorlar bilan ishlashda juda muhim ahamiyatga ega.

🔹 Barqarorlikni oshirish – tizimdagi nosozliklar va ishlamay qolish holatlarini minimallashtirish.

🔹 Yuklamani optimallashtirish – server resurslaridan yanada samarali foydalanish imkonini beradi.

🔹 Ekspluatatsiya xarajatlarini kamaytirish – qo‘lda bajariladigan sozlashlar va nostandart yechimlarga bo‘lgan ehtiyojni kamaytiradi.

Loyihaning asosiy bosqichlari:

1. Joriy tizimni audit qilish – Exadata, ma’lumotlar bazasi (СУБД) va WebLogic ishlashidagi bo‘g‘inli (sekin ishlaydigan) joylarni aniqlash.

2. Chuqur optimallashtirish – parametrlarni sozlash, xatoliklarni tuzatish va samarasiz jarayonlarni qayta ishlab chiqish.

3. Ishlashni sinovdan o‘tkazish – kiritilgan o‘zgarishlarni joriy etishdan avval test muhitida tekshirib ko‘rish.

4. Ishlab chiqarish muhitiga joriy qilish – yangilanishlarni tizimga minimal to‘xtash vaqti bilan tatbiq etish.

5. Monitoring va qo‘llab-quvvatlash – tizim yangilanishlardan so‘ng to‘g‘ri va barqaror ishlashini nazorat qilish.

Nega aynan Data Scale?

✅ Oracle yechimlari bo‘yicha ekspertiza – FlexCube, Exadata va WebLogic bilan ishlashda ko‘p yillik amaliy tajriba.

✅ Oracle Consulting bilan hamkorlik – ishlab chiquvchi (vendor) talablariga to‘liq mos kelish kafolati.

✅ Kompleks yondashuv – muammolarni vaqtincha bartaraf etish emas, balki barqaror va yuqori samarali tizim yaratish.

“Orionbank bilan hamkorlik qilayotganimizdan mamnunmiz va ishonamizki, ushbu loyihaning amalga oshirilishi ularning IT-infratuzilmasi samaradorligini sezilarli darajada oshiradi,” — dedi Roman Solovyev, Data Scale bosh direktori.

Loyiha allaqachon boshlangan, va optimallashtirishning dastlabki natijalari yaqin oylarda ko‘zga tashlanadi. Yangiliklarni kuzatib boring!

DataScale — moliyaviy sektor uchun raqamli yechimlar sohasidagi yetakchi ekspert bo‘lib, Oracle, Big Data va bulutli platformalarni o‘z ichiga olgan ilg‘or texnologiyalarni joriy etishga ixtisoslashgan. Kompaniyaning jamoasi xalqaro loyihalarni amalga oshirishda chuqur tajribaga ega va mijozlarga ma’lumotlarni qayta ishlash tezligi hamda ishonchliligini oshirishda yordam beradi.

Orionbank — Tojikistonning eng yirik banklaridan biri bo‘lib, aktivlar va kapital hajmi bo‘yicha mamlakat bank sektorida yetakchi o‘rinlarni egallaydi.